၂၈ ရက် နိုဝင်ဘာလ ၂၀၁၃ ခုနှစ်

ရန်ကုန်မြို့၊ မြန်မာနိုင်ငံ ။

PEN MYANMAR ဒါရိုက်တာအဖွဲ့ ရွေးချယ်ပြီးစီးခြင်းနှင့် လုပ်ငန်းကော်မတီများဖွဲ့စည်းပြီးစီးခြင်း

၁။ PEN MYANMAR ညီလာခံကို နိုဝင်ဘာ ၂၇ ရက်က ရန်ကုန်မြို့ရှိ အာရှပလာဇာဟိုတယ်၊ ပထမထပ်၌ အောင်မြင်စွာကျင်းပနိုင်ခဲ့ပြီး ဒါရိုက်တာအဖွဲ့ဝင် ၉ ဦးကို ရွေးချယ်နိုင်ခဲ့သည်။ ထို့နောက် PEN MYANMAR ၏ လုပ်ငန်းကော်မတီ ၅ ခုကို ဖွဲ့စည်းခဲ့ပြီး ကော်မတီအသီးသီး၏ အစည်းအဝေးများကို ကျင်းပနိုင်ခဲ့သည်။

၂။ ရွေးကောက်တင်မြှောက်ခံရသည့် ဒါရိုက်တာအဖွဲ့ဝင်များ          –

• ကဗျာ
• ၁။ ဇေယျာလင်း ၂။ ပန်ဒိုရာ
• စာရေးဆရာ
• ၃။ ညိုထွန်းလူ ၄။ ရဲသျှမ်း
• အယ်ဒီတာ
• ၅။ မျိုးမြင့်ညိမ်း ၆။ မသီတာ(စမ်းချောင်း)
• အီလက်ထရောနစ်မီဒီယာ
• ၇။ နေဘုန်းလတ်
• ထုတ်ဝေသူ
• ၈။ ဦးခင်မောင်ဦး(ပိတောက်ရနံ့) ၉။ ဦးစန်းမွန်အောင်(ငါတို့စာပေ)

၃။ ရွေးကောက်တင်မြှောက်ခံရသည့် ဒါရိုက်တာအဖွဲ့ဝင်များမှ လုပ်ငန်းတာဝန်များကို ဆက်လက်ခွဲဝေခဲ့ကြပါသည်။ ယင်းတာဝန်ခွဲဝေမှုများမှာ

• ဥက္ကဋ္ဌ
• မသီတာ(စမ်းချောင်း)
• အတွင်းရေးမှူး
• နေဘုန်းလတ်
• ဘဏ္ဍာရေးမှူး
• ဦးစန်းမွန်အောင်(ငါတို့စာပေ)
• ဒါရိုက်တာအဖွဲ့ဝင်
• ဇေယျာလင်း၊ ပန်ဒိုရာ၊ ညိုထွန်းလူ၊ ရဲသျှမ်း၊ မျိုးမြင့်ညိမ်း၊ ဦးခင်မောင်ဦး(ပိတောက်ရနံ့စာပေ)တို့ဖြစ်သည်။

၄။ PEN MYANMAR အတွက် ဖွဲ့စည်းသည့် ကော်မတီ ၅ ရပ်မှာ

• ၁။ ဘာသာပြန်နှင့် ဘာသာစကားဆိုင်ရာအခွင့်အရေးကော်မတီ (ယင်းကော်မတီတွင် ဇေယျာလင်း ဦးဆောင်သော ကော်မတီဝင် ၁၃ ဦးပါဝင်သည်။)
• ၂။ အမျိုးသမီးစာရေးဆရာများကော်မတီ (ယင်းကော်မတီတွင် ပန်ဒိုရာ၊ မြေမှုန်လွင် ဦးဆောင်သော ကော်မတီဝင် ၁၄ ဦးပါဝင်သည်။)
• ၃။ ငြိမ်းချမ်းရေးအတွက် စာရေးဆရာများကော်မတီ (ယင်းကော်မတီတွင် ရဲသျှမ်း၊ ညိုထွန်းလူ၊ ဦးခင်မောင်ဦး ဦးဆောင်သော ကော်မတီဝင် ၁၈ ဦးပါဝင်သည်။)
• ၄။ ထောင်တွင်းစာရေးဆရာများကော်မတီ (ယင်းကော်မတီတွင် မျိုးမြင့်ညိမ်း၊ နေဘုန်းလတ် ဦးဆောင်သော ကော်မတီဝင် ၁၂ ဦးပါဝင်သည်။)
• ၅။ PEN MYANMAR လုပ်ငန်းကော်မတီတို့ ဖြစ်သည်။ (ယင်းကော်မတီတွင် မသီတာ(စမ်းချောင်း) ဦးဆောင်သော ကော်မတီဝင် ၃၂ ဦးပါဝင်သည်။)

၅။ အဖွဲ့ဝင်ကြေးကို ယခင် ၃၀ဝ၀ ကျပ်သတ်မှတ်ထားသည့်အစား PEN MYANMAR ညီလာခံသို့ တက်ရောက်လာသည့် ဆန္ဒဖြင့် အဖွဲ့ဝင်ကြေးကို တစ်လလျှင် ၂၀ဝ၀ ကျပ်ဟု ပြောင်းလဲသတ်မှတ်မည်ဖြစ်သည်။ အဖွဲ့ဝင်ကြေးကို ၃ လ မပေးသွင်းခဲ့ပါက အဖွဲ့ဝင်အဖြစ်မှ ရပ်ဆိုင်းနိုင်မည်ဖြစ်သည်။

၆။ အဖွဲ့ဝင်အဖြစ် အချိန်မရွေး လျှောက်လွှာတင်သွင်းနိုင်ကာ အဖွဲ့ဝင်တိုင်းသည် ကော်မတီ ၅ ရပ်အနက် နှစ်သက်ရာကော်မတီ ၁ ခု (သို့) ၂ ခုတွင် ပါဝင်လှုပ်ရှားဆောင်ရွက်ကြရန် နှိုးဆောင်ထားပြီး အစည်းအဝေးသို့ မတက်ရောက်ခဲ့သော်လည်း ကော်မတီများတွင် ပါဝင်လှုပ်ရှားလိုသော အဖွဲ့ဝင်များ အနေဖြင့် penmyanmarcenter@gmail.com သို့ ဆက်သွယ်နိုင်ပါသည်။

မသီတာ(စမ်းချောင်း)

ဥက္ကဋ္ဌ